S'òpera
Ponei impari una cambarada de sirbonedhus istrempiosus, prus de is àterus Sirbo de naturali forti, una mama scinitzosa e coidadosa, Cicita, e Poricu, unu maistu alluau a. super-làndiri. In prus su mangoni dandy, Fenny su togu, scerau issu ca ndi dhi faint de dónnia scera is trudus Ninni, Totoni e Totore, ammachiaus isceti po sa murta chi portant ananti. E su tostoinu sàbiu Ètore chi (s´at a isciri apustis) est e no est issu. Is sirbonedhus tenint unu babbu chi no connoscint, arcanu, Nur: in su contu s´at a iscoberri de issu calincuna cosa de importu mannu. Ma no est totu innòi! Poneinci su pinguinu barista, Gino, chi s´est arrósciu de su frius de su polu e at pentzau bèni de cambiai vida e ponni butega in logu callenti e unu bigumarras fémina, Suor Monny, chi agiudat is sirbonedhus in apretu. Po mellus agiudu de is sirbonedhus essit su cerbu Sisinnio. Totu s´istória dha bieis aintru de una Sardigna fantàstica, toga, totu mari, montis, istanis e sartus unu prus bellu de s´atru aundi si movint is protagonistas.
|