Presentada de su libru "Sa Dòpia Ferta" in Aristanis
News | Lun, 16 Abrile 2018 Bos invitamus a sa prima presentada de su libru «Sa Dòpia Ferta» (editziones Condaghes), unu traballu de s´Assòtziu Acordu e iscritu de Alessandro Mongili (Sotziòlogu, Universidade de Pàdua).
Custu libru est unu traballu sotziològicu subra su materiale regòllidu durante sa Cunferèntzia Aberta de su Sardu chi s´est fata in Nùgoro su 14 ghennàrgiu de s´annu passadu. Amus a faeddare de sas temàticas essidas a pìgiu cun custu traballu analìticu: Status sotziale de su sardu, su cuncetu de prestìgiu, s´impreu privadu e pùblicu (fintzas amministrativu e istitutzionale) de su sardu, trasmissione intergeneratzionale, iscola e insinnamentu de sa limba sarda, Standard e polìticas linguìsticas etc...
Ant a presentare su libru:
-Alessandro Mongili (Presidente de Acordu & autore de su libru)
-Isabella Tore (Mastra de sardu in Aristanis)
-Giuanna Dessì (Traballodora sardòfona in ràdio & Sòtzia de Acordu)
16 aprile 2018 - dae sas 17:00
Teatro San Martino
Ruga Ciutadella de Menorca, 21
09171 ARISTANIS
|
|
Sardu 
Archìviu 
Librerias fidutziàrias 
Cuntatos 
RSS
