Francesco Ignazio Mannu

Iscritore

RSS novas

Nàschidu in Otzieri su 18 de maju de su 1758, mortu in Casteddu in su 1839.
De famiglia nòbbile, est istadu giùighe de sa Reale Udienza e at gherradu, paris cun Angioy, in sa rivolta de sos vassallos contra sos feudatàrios, cando, a sa fine de su ‘700, sos sardos cheriant guvernare s´isula paris cun sos barones e sos Piemontesos.
Mancari epet traballadu a unu cumpèndiu de unu vocabbolàriu sardu, s´ òpera sua connòschida de prus est unu cumponimentu contra a sos feudatàrios, Su patriottu sardu a sos feudatarios, imprentadu, a cua, in Corsica, a sa fine de su ‘700 e pois pubblicadu in Casteddu in su 1923: a donzi modu abbarat sèmpere una de sas paginas prus mentovadas de sa poesia sarda in limba logudoresa.

Bibliografia

- Su riu, in P. PISURZI, S´imbustu, Sassari, 1914, 16°, p. 16.

- Su patriottu sardu a sos feudatarios: inno dialettale, Cagliari, Il Nuraghe, 1923.

- Su patriottu sardu a sos feudatarios, a cura di P. A. Bianco, Sassari, Condaghes, 1991.

- Su patriottu sardu a sos feudatarios: inno antifeudale; Su riu, poesia sarda de Franciscu Ignazio Manno, a cura di R. Ruiu, Cagliari, Grafiche Pilleri, s. d..

- Su patriottu sardu a sos feudatarios, a cura di P. A. Bianco, Cagliari, Condaghes, 1991.

- Su patriottu sardu a sos feudatarios, a cura di T. Masala, Ozieri, Il Torchietto, 1995.

- Su patriottu sardu a sos feudatarios, a cura di P. A. Bianco, Cagliari, Condaghes, 1996.

- Su patriota sardu a sos feudatarios, a cura di L. Carta, Cagliari, Centro di Studi Filologici Sardi/Cuec, 2002.

- S´innu de su patriottu sardu a sos feudatarios, La Sardegna, pp. 150-162.