Emiliu Lussu (Armungia 1890 – Roma 1975) de familia patrizia de pastoris-cassadoris, abogau, giornalista e iscrittori, deputau e senadori est istetiu, coment´e polìticu, capassu de representai cun dinnidadi sa Sardinnia in Italia e foras de stadu. In is iscrittus chi at lassau at nau, cun sa cuscientzia de chini bolit sceti su beni de sa terra sua, beridadis chi podint pitziai ancora a medas sardus. Po su chi pensàt asuba de sa paxi, at depiu scriri meda asuba de sa gherra, siat puru coment´e capitanu de s´esércitu italianu contras a s´Austria.