Diego Mele

Iscritore

RSS novas

Nàschidu in Biti su 22 de bennarzu de su 1787 e mortu in Oltzai su 16 de santuaine de su 1861. Fizu de Salvatore Mele e Anna Casu.

Fuit de fàmiglia pòbera e fuit òrfanu de babbu dae sos ùndigh´ annos. Aiat pòdidu istudiare gràtzias a sos sacrifìtzios de sa mamma. Si fuit laureadu in teologia su 22 de martzu de su 1828 e si fiat fatu prèide paris cun su condiscepolo e amigu Giovanni Spano.

Est autore de poesias argas e befianas. Di fuit tocadu a si che fuire de bidda sua ca poite cun sos versos suos si fiat fatu inimigos medas.

D´aiant incruppadu de èssere contra a sa leze chi cheriat tancare sos sartos e de ispuntorzare sa gente a tènnere su bestiàmene in giru e a èssere pro su comunismu de sos sartos. D´aiant mandadu, pro castigu, in domo de s´Arcivescovo Bua, a Ozieri inue fuint sos Cappucinos.

Mandadu pois chi che d´aìana a Lodè e a sa fine a Oltzai, at bìviu in paghe in custa bidda fintzas a sa morte.

Sa poesia sua, pruscatotu cussa satirica, contat abberu sa vida de massaios e pastores.

Bibliografia

- La fame in Sardegna, Il dovere, 9 febbraio 1867.

- La chenscia de duas feminas coguadas, Dialogo tra due donne maritate sopra la sorte del matrimonio, in P. P. MOSSA, Donnu donadu, Sassari, 1914.

- Il Parnaso sardo del poeta bernesco estemporaneo teologo Diego Mele, a cura di P. Meloni Satta, Cagliari, Tipografia G. Ledda, 1922.

- Il Parnaso sardo, a cura di P. Meloni Satta, Cagliari, Tipografia G. Ledda, 1923.

- Il meglio della grande poesia in lingua sarda, a cura di M. Brigaglia, Cagliari, Edizioni della Torre, 1975.

- Satiras e poesias varias, S´Ischiglia, 6, 1980.

- Satiras e poesias, a cura di B. Porru, Cagliari, 3T, 1981.

- Satiras, a cura di S. Tola, Cagliari, Edizioni della Torre, 1984.

- In Olzai non campat pius mazzone, in G. PIRODDA, Sardegna, Brescia, La Scuola, 1992, pp. 262-265.