Tonino Ledda est un´autore de importu mannu meda cando si chistionat de sos prèmios literàrios e de sa poesia e de sa prosa in limba sarda. in su 1956 at fundadu su Prèmiu Otzieri, galu oe unu de sos cuncursos literàrios in limba sarda prus mannos. A pustis de sa segunda gherra mondiale e prus ca totu pois de su cumintzu de sa ´Rinascita´, sa Sardigna cumintzat a si ammudernare, mancari a mala boza, e sa zente si lassat cumbìnchere a chistiònare in italianu e a lassare su sardu. Sa poesia sarda duncas est in dificultade. Unu de cussos chi si furriant a sas cosas est Tonino Ledda chi, cun su Prèmiu Otzieri, imbentat unu motore de su annoamentu de sa literadura in limba. Issu etotu, mancari fessit fizu de emigrados e aèret connòschidu sa dennega de sa limba, aiat seberadu su sardu: una limba seberada cun cussientzia e non solu unu ´bene de famiglia´. Cicitu Màsala at nadu chi sa limba de Ledda, mancari siet simple e ùmile, tenet una fortza lìrica manna meda.
|