(Tàtari 1932 - Casteddu 2004). Poeta e iscritore de romanzos e de cumèdias. At bìviu pro trint´annos in su centru istòricu de Tàtari e dae sa gente de inie nd at bogadu a sos personagios chi pois at postu in sas cummedias suas in limba tàtaresa.
In sos annos ´70 si ch´est cambiadu a Casteddu, at tradùsiu cumedias betzas in casteddaiu e in logudeoresu e nd at cumpònnidu àteras noas. At trabballadu puru cun sa RAI pro iscenegiados de sa radio che a Donno Michele Zanche, Donnicella Adelasia di Torres e Martino il Giovane. Su matessi argumentu s´agatat in sos romanzos suos: La ragazza della Giara e 1409. Fuga sulla Giara.